8.799 persoas viven soas na Boa Vila, onde hai 6.037 pisos baleiros
Por Oskar Viéitez
O Censo de Poboación e Vivendas elaborado polo Instituto Nacional de Estatística (INE) asegura que na cidade de Pontevedra 8.799 persoas que viven sen compañía, delas 2.619, unha terceira parte, son mulleres de máis de 65 anos.
O modelo de fogar máis repetido na Boa Vila é o formado por unha parella con algún fillo menor de 25 anos, con 6.803 fogares. É a estrutura máis habitual en Pontevedra supoñendo preto do 20 por cento do total.
Outro dato rechamante que desvela o INE é que na capital do Lérez hai 6.037 pisos baleiros e 6.738 con uso esporádico.
A cifra extráese a partir dos rexistros do catastro e a introdución pioneira de datos do consumo eléctrico dos contadores de cada residencias.
Así se considera vivenda baleira a aquela que non dispón de contrato de subministración eléctrica ou cuxo consumo total rexistrado no ano precedente foi menor ao que unha vivenda media dese mesmo municipio tería se se ocupase durante 15 días en todo o ano.
Esta fórmula permite obter información do uso real das vivendas dispoñibles, independentemente de onde estean empadroados os seus habitantes, e distinguir así entre baleiras, con moi baixo consumo, de uso esporádico e o resto de vivendas.
Todos eles son datos do ano 2021 que o Instituto Nacional de Estatística fixo públicos en agosto deste ano.
En España había en 2021 máis de 3,8 millóns de vivendas baleiras, case o 14% do total, ou o que é o mesmo, unha de cada sete.