A comisión de seguimento das obras do IES Valle Inclán reunirase antes do inicio do curso
Por Oskar Viéitez
O xefe territorial de Eduación en Pontevedra, César Pérez Ares, anunciou que "antes de iniciar o curso", a finais deste mes de agosto ou principios de setembro, a Xunta convocará a comisión de seguimento das obras do IES Valle Inclán, que reúne a representantes da empresa adxudicataria da reforma, da Consellería, do centro e das familias.
Nesa comisión "abordarase como se vai iniciar o curso, tranquilo, e tendo como prioridade absoluta a seguridade da comunidade educativa", avanzou Pérez Ares no transcurso dunha visita do conselleiro de Educación, Román Rodríguez, ás obras do IES A Xunqueira I.
Aínda que a pregunta sobre o Valle Inclán ía dirixida ao responsable de Educación no Goberno galego, Román Rodríguez preferiu que fose o xefe territorial quen respondese xa que "ten unha orde expresa de facer un seguimento prácticamente constante da evolución desa obra".
Pérez Ares explicou que "a obra, a día de hoxe, vai segundo o ritmo que nos marcamos, en prazo" e garantiu que os vestiarios da primeira planta poderanse usar co inicio do novo curso.
Tamén ha concretaro que serán once as aulas móbiles para as clases dos alumnos de bacharelato que se instalarán no exterior do instituto, na fachada principal da avenida Montero Ríos, unha vez celebrado o Mundial de Tríatlon.
"Serán modelos de superconfortabilidade" e instalaranse facendo un peche "que no permitirá el acceso desde el exterior" será "unha extensión do instituto na parte exterior".
Relacionadas:
-
As aulas móbiles do instituto Valle Inclán estarán operativas o 16 de outubro e funcionarán só durante este curso
Por Natalia Puga & Mónica Patxot |
-
Chegan as novas aulas auxiliares ao IES Valle-Inclán
Por Oskar Viéitez & Mónica Patxot |
-
As aulas móbiles do instituto Valle Inclán instalaranse a partir do 12 de outubro
Por Natalia Puga |
-
Recta final para os labores de mantemento en garderías e colexios
Por Redacción |
-
A ampliación do Carlos Oroza e a rehabilitación do Valle-Inclán centran o investimento de Educación para a reforma de centros educativos na provincia
Por Manu Otero |