Lores solicita por carta entrevistarse cos presidentes da Xunta e a Deputación de Pontevedra
Por Diego Espiño
O alcalde de Pontevedra, Miguel Anxo Fernández Lores, enviou este mércores senllas cartas aos presidente de Xunta de Galicia e Deputación de Pontevedra, Alfonso Rueda e Luís López respectivamente, solicitando un encontro formal.
"Iniciamos un novo mandato e é convinte ter unha entrevista para repasar os asuntos, e son moitos, que están en carteira", asegura o rexedor da Boa Vila.
"Temos o máximo interese en ter unha relación de cordialidade institucional", sinalou Lores.
Nas misivas non se especifican polo momento os temas a tratar ou demandas do goberno pontevedrés, senón que serán avanzadas cando as institucións autonómica e provincial confirmen a data das reunións.
Entre eses asuntos pendentes atópanse convenios, investimentos e obras en execución ou que están á espera de poder acometerse. Tamén asuntos, no caso da Deputación, como a cesión do Convento de Santa Clara ou as actuacións previstas no Museo de Pontevedra. "Son moitísimas cousas", afirma o alcalde.
En todo caso serán temas a negociar non seu momento, aínda que "estamos condenados a entendernos", asegurou Fernández Lores.
Relacionadas:
-
Este xoves terá lugar a reunión entre o alcalde e o presidente da Deputación
Por Oskar Viéitez |
-
A Deputación convoca a comisión de seguimento de Santa Clara para "convertir a Pontevedra en la ciudad de la cultura"
Por Oskar Viéitez |
-
O futuro de Santa Clara, en fase de estudo pola nova Deputación, co horizonte de "tres ou catro semanas" para decidilo
Por Natalia Puga |
-
Lores considera que o investimento previsto pola Xunta para o Pazo de Lourizán "non é suficiente en absoluto"
Por Alejandro Espiño |
-
Case 18 millóns para converter o Pazo de Lourizán nun "espazo de encontro" para o sector forestal
Por Alejandro Espiño |
-
Luís López asume a presidencia da Deputación coa intención de "aplicar solucións diferentes e políticas distintas"
Por Oskar Viéitez & Cristina Saiz |
-
O alcalde pide a Rueda que aclare a postura da Xunta sobre a liberación dos terreos que ocupa na Xunqueira da Gándara
Por Redacción |