Os socorristas de Marín realizaron 1.038 intervencións en xullo
Por Redacción
A concelleira de Turismo do Concello de Marín, Cristina Acuña, compartiu este luns os datos das asistencias que durante o mes de xullo foron prestadas aos usuarios de Portocelo, Mogor, Aguete, Loira e o Santo por parte do persoal de socorrismo.
En total, entre o 24 de xuño e o 31 de xullo realizáronse 1.038 intervencións, destacando as seguintes segundo a cantidade das mesmas: feridas: 282; outras atencións sanitarias leves: 31; picaduras de faneca, insecto ou ourizo: 348; traumatismos, contusións, esguinces e luxacións: 28; queimaduras: 7; atención a menores extraviados: 3; avisos de prevención: 296; rescates acuáticos: 8; insolación ou golpe de calor: 5 e lipotimias/pérdidas de consciencia: 4.
Tal e como se pode ler no informe realizado polo persoal de socorrismo, un dos rescates foi practicado a un varón de 40 anos de idade que se atopaba en estado de embriaguez en Aguete e que tiña a intención de cruzar a ría a nado.
Outro, tamén en Aguete, foi practicado a dous tripulantes dunha embarcación que tiveron problemas técnicos para continuar coa súa travesía, unha situación similar que se repetiu en Loira, onde a embarcación foi recomolcada ata o porto polos servizos de Garda Costas.
Tamén en Loira, un varón de mediana idade sufriu unha caída dunha táboa de paddle surf, cortándose nunha man. En Aguete, a situación tamén se deu cunhas táboas deste deporte, desde as que dous usuarios de 22 e 25 anos non eran capaces de volver a terra.
Finalmente, deuse outro rescate na praia do Santo cando un varón de mediana idade pediu auxilio cando viña a nado desde a illa.
Relacionadas:
-
As fanecas de Sanxenxo, menos rabudas que o ano pasado, acaparan o traballo dos socorristas
Por Oskar Viéitez |
-
Os científicos rebaten toda unha vida con falsas crenzas en praias e piscinas
Por Redacción |
-
Estrean bandeiras de socorrismo adaptadas a persoas daltónicas nas praias de Sanxenxo
Por Redacción |