As fanecas de Sanxenxo, menos rabudas que o ano pasado, acaparan o traballo dos socorristas
Por Oskar Viéitez
O servizo de salvamento e socorrismo realizou este verán 6.081 intervencións durante o pasado mes de xullo nas praias de Sanxenxo. O balance mensual destaca 703 intervencións no mar das que 450 foron avisos por infraccións de embarcacións e 85 advertencias a usuarios que se atopaban fóra das zonas de baño, 33 por saltos de rocas ou lugares elevados e 99 a persoas pescando en zonas de baño. Tamén se realizaron tres rescates.
En canto ás praias con maior número de incidencias destaca Silgar (1.275), seguida de Canelas (869), Panadeira (601) e Montalvo (454). As picaduras de faneca continúan sendo un dos principais motivos de asistencia polo servizo con 623, pero supoñen unha importante baixada respecto a as rexistradas en xullo do ano pasado (1.913). Tamén atenderon a persoas por feridas (681), escordaduras (89) ou contusións (32).
Respecto á aplicación da ordenanza nos areais do municipio, os socorristas efectuaron un total de 989 avisos sobre o regulamento, sendo Major (171), Silgar (145) e Montalvo (137), os areais cun maior número de advertencias aos bañistas sobre a normativa. O horario do servizo de salvamento e socorrismo nas praias en de 12 a 20 horas, menos en Silgar, onde é de 11:30 a 20:30 horas pola gran afluencia de bañistas.
VISITAS OFICINAS DE TURISMO
Un total de 1.897 persoas visitaron durante o pasado mes as oficinas de turismo de Sanxenxo e Portonovo. A maioría do territorio nacional (1.689) e o resto foron visitantes do territorio internacional (208). Portugal (73), Francia (56) e Alemaña (39) concentran o maior número. En canto á información solicitada, o 58% preguntaron por lugares de interese para visitar, un 9,95% pediron planos, unhas 9,44% viaxes en barcos e un 9,44% por cultura e festas, entre outras cuestións.
Relacionadas:
-
O dron que axuda os socorristas nos rescates acuáticos, a proba en Sanxenxo
Por Alejandro Espiño |
-
Os socorristas de Sanxenxo deron 881 avisos por infraccións de embarcacións durante o mes de agosto
Por Oskar Viéitez |
-
Un verán de 'excelente' nas zonas de baño de Sanxenxo
Por Redacción |
-
Os socorristas de Marín realizaron 1.038 intervencións en xullo
Por Redacción |
-
Ponte Caldelas non izará a bandeira azul da Calzada por falta de socorristas
Por Redacción |
-
Unha vía de auga nunha embarcación provoca o rescate de sete persoas en Silgar
Por Redacción |
-
127 bañistas, atendidos en Sanxenxo no mes de xuño por picaduras de faneca
Por Redacción |