Loito na Lama pola morte de Pilar Prol, muller do ex alcalde Jorge Canda
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Pilar Prol Fernández, muller do ex alcalde Jorge Canda e unha persoa moi querida no municipio, faleceu esta madrugada, segundo informou o Concello da Lama.
A medida que se foi coñecendo o seu falecemento entre a veciñanza multiplicáronse as mostras de consternación e solidariedade coa familia da falecida, entre eles as do propio alcalde, David Carrera, en nome de toda a corporación.
Era unha muller moi querida en todo o concello, pero especialmente en Pigarzos, onde residía, e na parroquia de Xesta na que chegou a desempeñar diversas responsabilidades en colectivos sociais como a Asociación Virxe dos Remedios, da que chegou a ser presidenta.
De carácter amable e sempre sorrinte, Pilar Prol mantiña ademais un vínculo activo coa colectividade galega en México, coa que compartía iniciativas empresariais relacionadas co sector da hostalería como parte da súa vocación emprendedora.
Os actos fúnebres serán oficiados polo cura párroco David Dosantos na igrexa parroquial de Xesta, ás 16:45 horas de mañá sábado, e os seus restos mortais serán conducidos ata o cemiterio parroquial onde a familia dispón dun panteón.
A corporación municipal da Lama agradece publicamente a súa implicación social e súmase ás mostras de condolencia, trasladándolle ao ex alcalde Jorge Canda e á súa familia o seu máis sinceiro pésame.