O BNG leva ao Parlamento a desafectación das antigas casas de mestres do Carballal
Por Oskar Viéitez
O BNG, a través do deputado Daniel Rodas, ven de presentar unha Proposición non de lei instando á goberno da Xunta de Galicia, a autorizar a solicitude do Pleno da Corporación de 2007 proceder a desafectación das 12 vivendas de mestres do CEIP do Carballal, e á sinatura dun convenio de colaboración co concello de Marín para a súa rehabilitación.
"Non se trata dun tema xurídico, senón político e é de xustiza que se hai doce vivendas que xa non se usan para o fin no que un principio foron construídas, se rehabiliten e se destinen a vivenda pública e así darlle unha oportunidade as centos de persoas que hoxe non teñen posibilidades de facerse cun teito baixo o que vivir polos seus propios medios", sinala a concelleira nacionalista de Marín, Pilar Blanco.
Asegura a portavoz do BNG que "debería ser o goberno local, e a alcaldesa, quen estivera facendo xestións firmes co goberno da Xunta, tamén do PP, para desactivar este litixio que non ten ningún sentido, e hai moito tempo que a Consellaría de Educación debería ter retirado as súas falsas alegacións autorizado a desafección das casas para destinalas a vivenda pública".