Condenan cinco persoas por un altercado nun karaoke da rúa Michelena
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Cinco persoas foron condenadas polo xulgado como responsables dun altercado que se rexistrou en xullo de 2012 nun karaoke da rúa Michelena de Pontevedra.
Segundo recolle a sentenza os incidentes orixináronse tras reclamarlles a camareira o pagamento das súas consumicións no acto. O xesto non gustou aos membros desta cuadrilla que reaccionaron con violencia ante a demanda, rompendo unha vitrina e propinando un puñazo ao pinchadiscos, ademais de enfrontarse aos axentes da Policía Nacional que acudiron ao lugar.
Deste modo, Alejandro F. D. foi condenado a 10 días de localización permanente por unha falta de lesións, Rodrigo F.C. foi multado con 75 euros por unha falta de danos. A Paula Cristina G., Katty Karina R. M. e Leidy Diana C. F., impuxéronlles 250 euros por unha falta contra a orde pública.
Así mesmo, os acusados deberán indemnizar o pinchadiscos, ao karaoke e a un policía nacional por distintos conceptos.