Os socialistas ven "decisivo" o papel da mocidade para "non retroceder á España gris"
Por Redacción
Cun acto organizado de xeito conxunto coas xuventudes do partido na Praza do Hospital, os socialistas sinalaron o "papel decisivo" que terá a mocidade para evitar que o país "non retroceda á España gris de hai máis de 40 anos" e continúe estar á vangarda en liberdades.
Neste contexto, a número 2 ao Congreso por Pontevedra, Marica Adrio, e o portavoz municipal do PSOE, Iván Puentes, subliñaron que "a través da política, do voto e do goberno que saia das urnas o vindeiro 23 de xullo terán un camiño ou outro que condicionarán o resto da súa vida".
Terán como opción, segundo os socialistas, un goberno do PSOE "que apostou pola mocidade e que estende os dereitos sociais" ou, como alternativa, un executivo de PP e Vox "que sabemos o que está a facer alí onde goberna" suprimindo avances e recortando dereitos.
O evento serviu para que os socialistas destacaran o paquete de medidas impulsadas polo Goberno de Pedro Sánchez para a xuventude, entre elas, os bonos gratuitos de transporte, a creación de vivendas a prezos asequibles ou a suba do salario mínimo interprofesional.
Tamén beneficiou aos mozos, segundo Marica Adrio e Iván Puentes, a reforma laboral que deu máis garantías de estabilidade no emprego, os bonos culturais, a achega económica destinada a bolsas e axudas ao estudo ou a redución das taxas universitarias.
Relacionadas:
-
O PSOE galego esixe a Feijóo que "pida perdón" ás vítimas da droga pola súa relación con Marcial Dorado
Por Redacción |
-
O PSOE fai desde Pontevedra unha chamada ao voto útil "porque estamos xogándonos moito en España"
Por Redacción |
-
Marica Adrio, candidata do PSOE, destaca o incremento da pensión media en máis de 100 euros mensuais grazas a Sánchez
Por Redacción |
-
Os socialistas advirten de que están "en xogo" os proxectos previstos a ámbalas marxes da ría se gaña a dereita
Por Redacción |
-
A candidatura socialista critica a xestión de Ana Pastor "estivo seis anos de ministra de Fomento e non moveu un papel"
Por Redacción |
-
Encontro coa militancia do PSOE para "superar o listón do 30% do voto en Pontevedra"
Por Redacción |