Maxia Disney, música e iluminación para a Batalla de Flores nocturna de Marín
Por Redacción
As Festas do Carme de Marín viviron este martes una das noites máis especiais para os máis pequenos, a Batalla das Flores nocturna, na que seis carrozas percorreron o centro da vila acompañadas por música e iluminación.
A comitiva, con marcada inspiración Disney, percorreu a avenida de Ourense, a praza de España e as rúas Almuíña, Jaime Janer e Concepción Arenal, para terminar no Parque Eguren.
As seis carrozas estiveron acompañadas por dous grupos de batucada e animacións inchables iluminadas e transportaron un centenar de nenos a partir de seis anos.
Pensando nos máis pequenos, o Concello tamén programou para este mércores a actaución do Mago Paco ás 21.00 horas na Alameda.
O xoves a programación inclurá o espectáculo de Tarabelos, o venres será a quenda de Canto Contigo de Paco Nogueiras, o sábado a programación corerá a cargo de Migallas e o domingo pechará un contacontos Polo correo do vento. Todas estas actividades serán na Alameda ás 21.00 horas.
Relacionadas:
-
En Marín si es o fillo de Pichichi, es Pichichi "pequeno"
Por Oskar Viéitez |
-
O Juan Sebastián Elcano visitará Marín polas festas do Carme
Por Redacción |
-
Máis aparcamento, bus nocturno e puntos violeta para as festas do Carme de Marín
Por Redacción |
-
Marín busca nenos e nenas para as carrozas da tradicional Batalla de Flores
Por Redacción |