Os socialistas advirten de que están "en xogo" os proxectos previstos a ámbalas marxes da ría se gaña a dereita
Por Redacción
A candidata socialista ao Congreso Marica Adrio e os portavoces municipais do PSOE de Pontevedra e Poio, Iván Puentes e Gregorio Agís; acompañados por outros integrantes da agrupación realizaban este martes un percorrido de 1,2 quilómetros do paseo peonil entre Marín e Pontevedra.
Adrio sinalou durante este camiñada que Costas do Estado xa ten en marcha a redacción do proxecto que permitirá completar os 800 metros que restan para unir este tramo coa pasarela de madeira que utilizan as mariscadoras para baixar ao areal de Praceres. Desta forma uniríanse os municipios de Pontevedra e Marín, unha demanda da cidadanía que contará cunha nova pasarela metálica de 2,5 metros de ancho.
Iván Puentes lembrou que boa parte do que realice o goberno municipal de Pontevedra dependerá de quen goberne en España durante a nova lexislatura alertando de que hai moito "en xogo".
Entre os proxectos pendentes sinalou, xunto a Gregorio Agís, a construción dunha rede de sendas que conecte Combarro con Bora pola beira do Lérez e a creación dunha pasarela peonil, unida á autoestrada AP-9, que conecte o barrio pontevedrés de Mollavao coa Puntada, en Poio. Indicaron que esta opción permitirá contar cun miradoiro sobre a ría de Pontevedra.
Relacionadas:
-
Marica Adrio, candidata do PSOE, destaca o incremento da pensión media en máis de 100 euros mensuais grazas a Sánchez
Por Redacción |
-
O PP de Barro lamenta que o bipartito "esquilme as arcas municipais" cun aumento dos gastos en salarios
Por Redacción |
-
Os socialistas ven "decisivo" o papel da mocidade para "non retroceder á España gris"
Por Redacción |
-
A candidatura socialista critica a xestión de Ana Pastor "estivo seis anos de ministra de Fomento e non moveu un papel"
Por Redacción |
-
Encontro coa militancia do PSOE para "superar o listón do 30% do voto en Pontevedra"
Por Redacción |
-
Por aclamación o comité provincial ratifica as listas do PSdeG por Pontevedra, que encabezan Regades e Carmela Silva
Por Oskar Viéitez |