Pontevedra líbrase da onda de calor
Por Oskar Viéitez
A Axencia Estatal de Meteoroloxía (Aemet) prevé para este luns a chegada dunha nova onda de calor con temperaturas "significativamente elevadas" en boa parte da península e Baleares, a excepción do noroeste da península.
Pontevedra esquivará alerta por calor que marca no nivel extremo (vermello) a localidades como Córdoba e Xaén, con máximas de 45 graos segundo o prognóstico da Aemet.
De feito, nas Rías Baixas as temperaturas máximas que non superarán os 27 graos e mínimas que se manterán próximas a loa 15 graos. As néboas, no caso da ría pontevedresa, poderíanse comezar a notar xa polas noites, aínda que se prevé que toda a semana faga moito sol.
Meteogalicia explica que este luns as altas presións localizadas preto dos Azores entrarán en forma de cuña sobre Galicia achegando por tanto estabilidade. Deste xeito esperamos unha xornada de ceo pouco nubrado ou despexado, con néboas matinais en puntos do interior e algunha nebulosidade no litoral atlántico ao principio e final da xornada.
O martes Galicia perderá transitoriamente a influencia anticiclónica pola chegada dunha fronte moi pouca activo. Por tanto, o ceo estará máis cuberto no noroeste do territorio e con posibilidade dalgunha choiva débil. Nas Rías Baixas teremos alternancia de nubes e claros.
Xa o mércores Galicia recupera novamente a influencia anticiclónica.