Andaina solidaria de pacientes de párkinson e familiares
Por Oskar Viéitez
A Asociación de Parkinson provincia de Pontevedra (APROPARK) comezou os actos do seu XX aniversario cunha camiñada con pacientes e familiares desde a praia de Lourido ata A Seca.
Entre outros obxectivos, esta iniciativa pretendeu dar visibilidade a unha enfermidade moi descoñecida pola maioría da cidadanía. Ademais supón un recoñecemento ao traballo da asociación e demostran as capacidades das persoas que sofren párkinson.
A asociación contou coa axuda da Asociación de Amigos da Pontevedrada (ASAMPO), que se encargou da organización.
Ao finalizar a andaina compartiron unha xornada de baile e xogos. Tamén se obsequiou a todos os participantes cunha camiseta conmemorativa deseñada pola ilustradora Mariña Cores @koresovic
Segundo os datos oficiais da Xunta, en Galicia hai 10.883 persoas con enfermidade de Parkinson e no caso da área sanitaria de Pontevedra e Salnés, os enfermos diagnosticados son 1.048, cun número maior de mulleres que de homes.
Relacionadas:
-
A Área Sanitaria acolleu a reunión do Consello Asesor de Pacientes composto por 24 asociacións
Por Redacción |
-
A consulta monográfica de Párkinson e outros trastornos no Hospital Provincial, recoñecida como referente
Por Mónica Patxot & Redacción |
-
Apropark Pontevedra lanza a campaña #LaOtraCaraDelPárkinson para ofrecer unha imaxe distinta da enfermidade
Por Redacción |