Pontevedra "fará todo o necesario" ante a autorización do parque eólico dos Cotos
Por Anxo Lourido
Despois de que o Diario Oficial de Galicia publicase a decisión da Xunta de autorizar a construción do polígono eólico dos Cotos, que promove a compañía Tiraventos, o Concello de Pontevedra reaccionou.
Este parque inflúe nunha zona que afecta tanto a Cerdedo-Cotobade como a Ponte Caldelas e Pontevedra. Por este motivo, o goberno local da capital, a través da concelleira María Xosé Abilleira, responsable de Xestión Ambiental e Territorial, manifestou o seu malestar pola decisión.
Abilleira lembra que o Concello de Pontevedra emitiu tres informes negativos sobre a instalación dese parque de enerxía eólica, procedentes da oficina de Medio Ambiente natural; de Arqueoloxía; e da oficina técnica de Arquitectura e planeamento.
Sinala que esta decisión supón unha depredación do monte galego e acusa a Xunta de Galicia de manter unha política que ampara ás empresas eléctricas sen ter en conta os intereses naturais, patrimoniais e sociais, ademais dos efectos sobre a saúde das persoas.
"Queren seguir utilizando Galicia e a contorna de Pontevedra como mina enerxética sen ter en conta as consecuencias", sinala a concelleira fronte á decisión do goberno de Alfonso Rueda.
Ante esta situación, a responsable de infraestruturas, dotacións e servizos municipais no rural anuncia que o Concello de Pontevedra "fará todo o necesario para defender os intereses da veciñanza", fronte a esta instalación que proxecta a construción de seis aeroxeradores de 125 metros de altura cada un.
Relacionadas:
-
Alegacións do Concello de Cerdedo-Cotobade contra a instalación da liña de evacuación do Parque Eólico dos Cotos
Por Redacción |
-
A exposición pública os 17 quilómetros de liña de alta tensión do parque eólico Os Cotos
Por Oskar Viéitez |
-
ADEGA denuncia no xulgado o parque eólico Campo das Rosas ao afectar a especies en perigo de extinción
Por Redacción |
-
Cerdedo-Cotobade presenta recurso de alzada contra a autorización aos parques eólicos
Por Redacción |
-
A Xunta autoriza a construción do parque eólico dos Cotos
Por Alejandro Espiño |
-
Petición do BNG ao Concello de Cerdedo-Cotobade para iniciar accións xudiciais que deteñan os parques eólicos
Por Redacción |
-
O BNG presenta alegacións ao proxecto do Parque Eólico "Ampliación Penizas"
Por Redacción |
-
Indignación no BNG e PSOE pola autorización de seis parques eólicos en Cerdedo-Cotobade
Por Redacción |
-
Os socialistas reclaman "unanimidade na loita contra este espolio" ante o avance na tramitación dos parques eólicos
Por Oskar Viéitez |
-
Haberá recursos xudiciais do Concello e dos comuneiros ao estudo ambiental de Os Cotos
Por Redacción |
-
O Concello pide á Xunta un estudo detallado sobre as consecuencias na saúde do proxecto de Parque Eólico dos Cotos
Por Mónica Patxot & Anxo Lourido |
-
O PSdeG acusa á Xunta de "falla de transparencia" na tramitación do parque eólico dos Cotos
Por Redacción |
-
A Comunidade de Montes de Viascón presenta alegacións contra o Parque Eólico dos Cotos
Por Redacción |