Un menor de idade e un policía, agredidos por un toxicómano de 68 anos
Por Oskar Viéitez
A Policía Local de Vilagarcía foi requirida o sábado pola tarde á altura da glorieta entre as rúas Doutor Tourón e Vista Alegre pola denuncia dunha agresión a un menor.
A vítima, acompañada do seu pai, explicou que ía con catro amigos cando, ao cruzarse na beirarrúa cun home maior, este os ameazara cunha cadea e insultara a unha rapaza.
O grupo botouse atrás, quedando a vítima quieto e, facendo caso omiso ao agresor, deu a volta, momento que o individuo aproveitou para golpealo coa cadea.
Os axentes comprobaron que o rapaz tiña marcado o golpe no ombreiro e unha ferida aberta á altura do peito.
Dado que a descrición dada era similar á de outros requirimentos recibidos ese mesmo día por ameazas e danos en coches, e como coincidía coa dun drogodependente coñecido, foron ao domicilio desta persoa que, ao abrir a porta, tamén agrediu a un dos axentes dándolle coa cadea nun brazo.
O detido, residente en Sobradelo e de 68 anos de idade, responde as iniciais J.R.S.P.
Relacionadas:
-
Detido un veciño de Vilagarcía acusado de malos tratos no ámbito familiar
Por Redacción |
-
Dúas persoas causan incidentes violentos no PAC de San Roque
Por Oskar Viéitez |
-
Buscan dous individuos que esta madrugada agrediron e deixaron inconsciente un home en Vilagarcía
Por Oskar Viéitez |
-
Rescatan un home que caeu desde dous metros no paseo marítimo da Toxa
Por Redacción |
-
Tres feridos, un deles grave, tras sufrir un accidente de tráfico en Sanxenxo
Por Redacción |