Interceptan en Poio un ciclista e o condutor dun patinete eléctrico que deron positivo en drogas
Por Redacción
A Policía Local de Poio detectou tres condutores, dous en bicicletas de cross e outro sobre un patinete eléctrico, circulando de forma temeraria pola zona de San Salvador.
Todo sucedeu o pasado xoves 27 de xuño.
Ao ser sometidos ás probas de alcol e drogas, dous deles deron resultado positivo en drogas. Ademais, portaban substancias prohibidas que lles foron intervidas.
Por estes feitos, foron propostos para sanción por conducir con presenza de drogas no organismo, por tenencia de substancias prohibidas e por circular de forma temeraria con risco de provocar accidentes.
Así mesmo, o patinete eléctrico foi inmobilizado, xa que presentaba "modificacións graves", segundo a Policía Local, que comprometían a seguridade viaria e a do propio condutor.