![](/web/cache/scene/uploads/fotos/foto/cfc/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/649f5dab1a-649efa1275-salve-regina.jpg)
© Asociación Cultural Amigos del Monasterio de Poio
O canto gregoriano volverá soar no mosteiro mercedario de Poio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O canto gregoriano volverá soar no mosteiro mercedario de Poio este sábado, 8 de xullo, con motivo do Capítulo Provincial que estará presidido polo Pai Xeral Frei Leoncio Osvaldo Vivar Martínez.
Está previsto que para esa xornada, ás 20:00 horas, uns corenta frades entren na igrexa en procesión portando as súas velas "que representan a loita da luz contra as tebras".
Entón entoarase a Salve Regina Gregoriana, como era costume todos os sábados en anos anteriores.
A continuación celebrará a Eucaristía o Pai Provincial, Frei Xusto Liñaxe, finalizando co Himno da Mercé.
A Agrupación Musical da Mercé lembrará a famosa Schola Cantorum, que foi un gran referente para este municipio e provincia, xa que era un atractivo relixioso, cultural e turístico.
A comunidade mercedaria convida a toda a cidadanía a participar nesta celebración. "Ojalá se pueda recuperar esta ceremonia y que este Monasterio vuelva a fortalecer su advocación a La Virgen de La Merced", afirma nun comunicado o Pai Superior do Mosteiro de Poio, frei Arsenio Fernández Rodríguez.