Luis López tomará posesión o 6 de xullo como novo presidente da Deputación de Pontevedra
Por Alejandro Espiño
Xa hai data para a constitución da nova corporación provincial e, polo tanto, para a toma de posesión de Luis López como novo presidente da Deputación de Pontevedra. Será o próximo xoves 6 de xullo, ás doce da mañá, segundo acordaron os grupos do PP, PSOE e BNG.
O pleno xa foi convocado unha vez chegou esta mañá, procedente da xunta electoral, a documentación que acredita ás novas deputadas e deputados.
O traspaso de poderes oficializouse este xoves nun encontro no que participaron, por parte do goberno en funcións, os deputados Carlos Font (PSdeG-PSOE) e César Mosquera (BNG), e por parte do PP, Jorge Cubela e Marta Fernández-Tapias.
Nesta xuntanza, que se desenvolveu de forma cordial, Mosquera e Font fixeron entrega de toda a documentación dos proxectos e programas que está a desenvolver a Deputación.
O dossier, cun total de 300 folios, ofrece toda a información detallada das 27 áreas de servizo, a fin de que o goberno entrante poida tomar as decisións que considere convenientes.
Ambas as dúas delegacións reuniranse de novo este venres para organizar o protocolo da toma de posesión da nova corporación provincial.
Relacionadas:
-
A Deputación pecha o mandato de Carmela Silva co pleno de actas que serviu de despedida da corporación
Por Oskar Viéitez |
-
O PP designa os deputados provinciais dos Partidos Xudiciais de Pontevedra, Tui e Ponteareas
Por Redacción |
-
Javier Tourís e Marcos Guisasola, designados deputados provinciais do PP polo Partido Xudicial de Cambados
Por Redacción |
-
Mosquera seguirá como deputado provincial polo BNG
Por Oskar Viéitez |
-
Luís López confía a Rafa Domínguez e Marta Fernández-Tapias dúas vicepresidencias da Deputación
Por Natalia Puga & Mónica Patxot |
-
Luís López, máis preto de presidir a Deputación tras renunciar 16 membros do PP de Rodeiro
Por Natalia Puga |