Marín busca nenos e nenas para as carrozas da tradicional Batalla de Flores
Por Redacción
A tradicional Batalla de Flores, unha das actividades máis agardadas das Festas do Carme de Marín, xa está a buscar aos ocupantes das súas carrozas.
Así, o próximo venres 30 de xuño abrirá o prazo de inscrición para que todos os nenos e nenas do municipio teñan a oportunidade de participar neste desfile.
A Batalla de Flores será o 11 de xullo, ás 22:30 horas. Partirá dende as instalacións do porto, á altura de Nodosa, pasando pola Avenida de Ourense, Praza de España, Almuíña, Jaime Janer e Concepción Arenal, rematando á altura do Parque Eguren.
Poderán participar nenos e nenas nacidos antes do 31 de decembro de 2017, tendo preferencia os que estean empadroados en Marín. Aqueles que foran nados entre o 1 de xaneiro de 2015 e o 31 de decembro de 2017 deberán ir acompañados dun adulto.
Para participar, é preciso inscribirse utilizando un formulario que se colgará na web municipal a partir do 30 de xuño e ata o 5 de xullo (ou ata encher todas as prazas).
Ese formulario poderá presentarse no Museo Manuel Torres de xeito presencial, en horario de de 11.00 a 14.00 e de 18.00 a 21.00 horas, ou a través do enderezo electrónico museo.torres@concellodemarin.es, xunto cunha copia do DNI do solicitante e do responsable.
Haberá unha reunión previa o luns 10 de xullo ás 21:00 horas no Museo Manuel Torres, onde se explicarán os aspectos específicos para que a cabalgata se desenvolva con total seguridade, tanto para as persoas participantes, como tamén para as que gocen do espectáculo.
Todas as persoas que participen na cabalgata deben comprometerse a manter unha conducta correcta en todo momento e durante o percorrido da mesma non se baixará nin se subirá ninguén da carroza salvo por causas de forza maior.
Relacionadas:
-
Maxia Disney, música e iluminación para a Batalla de Flores nocturna de Marín
Por Redacción |
-
Máis aparcamento, bus nocturno e puntos violeta para as festas do Carme de Marín
Por Redacción |
-
O xornalista Javier Casal será o pregoeiro das Festas do Carme de Marín
Por Redacción |
-
Abraham Mateo e as orquestras París de Noia e Combo Dominicano, nas Festas do Carme
Por Redacción |