O PP escolle o lema de Rajoy para os congresos locais da provincia
Por Redacción
"Na Boa dirección" é o lema que os populares escolleron para os 21 congresos locais aprobados no último comité executivo provincial do partido celebrado en decembro e que se van celebrar en toda a provincia a partir desta fin de semana. O lema escollido para todos eles é idéntico ao que actualmente utiliza o partido a nivel nacional para resumir os "avances e solucións" do goberno de Mariano Rajoy para saír da crise.
O formato dos actos, a imaxe e os fondos que se utilizarán será tamén os mesmos en todos, co fin de evitar custos adicionais.
MORAÿA E MARÍN
O primeiro congreso será o próximo sábado 18 de xaneiro ás 19,00 horas na Casa da Cultura de Moraña. A única candidata é a alcaldesa e actual presidenta da xestora do PP local desde 2010, Luisa Piñeiro Arcos. Ademais do presidente provincial, Rafael Louzán, está previsto que á clausura asista o secretario xeral do PPdeG, Alfonso Rueda. O domingo celebrarase o IV Congreso local de Rodeiro.
O sábado 25 de xaneiro celebrase o de Marín, ás 17,00 horas na biblioteca municipal. Está por confirmar a asistencia á clausura do presidente rexional do partido, Alberto Núñez Feijoo. A candidata á reelección a presidir o partido é, coma nos casos anteriores a actual alcaldesa María Ramallo, presidenta local do partido desde o ano 2000.
O próximo día 23 remata o prazo de presentación de candidaturas e dos avais necesarios ante o Comité Organizador do Congreso que está presidido por Pablo Novas Caballero.