Comezan as obras do campo de fútbol de Dorrón coa excavación do terreo
Por Redacción
O alcalde de Sanxenxo Telmo Martín, e o concelleiro de Deportes, Mocidade e Voluntariado, Marcos Guisasola, visitaron este venres o campo de fútbol de Dorrón para supervisar o avance dos traballos.
Espina e Delfín comezou esta mesma semana a execución das obras coas tarefas de escavación na zona alta do terreo de xogo. A actual concesionaria da auga realiza a obra como compensación polo canon xerado no anterior contrato nas anualidades 2020, 2021, 2022 e ata marzo de 2023.
Na obra está contemplada a reforma integral das instalacións e a dotación de céspede de última xeración para a práctica de fútbol 11 e 7. Tamén inclúe a colocación do céspede sintético de base elástica homologado pola FIFA, sistema de rega, iluminación, vestiarios, cantina, almacén, bancadas e peche perimetral. Ademais, acondicionarase a parcela exterior do campo como estacionamento.
O terreo de xogo contará cunha rede de rega con seis canóns de rotación lenta e constante con 10 estacións. A iluminación do campo de fútbol 11 proxéctase con torres de 20 metros de altura e 5 proxectores de 2.500 w asimétricos cada unha. Colocarán redes recolle balóns nos fondos do campo cunha altura de 6 e 4 metros nos fondos de fútbol 7.
En canto ao equipamento deportivo instalaranse 2 porterías de fútbol 11 de aluminio, 4 porterías de fútbol 7 de aluminio, 4 delas abatibles lateralmente, 2 bancos de xogadores con capacidade para 8 persoas mediante asentos plásticos e banderines de córner flexibles. Ademais, executarase un novo peche na zona sur do campo e mellorarase o peche perimetral existente. Substituirase o actual portal de entrada.
A execución da actuación estímana en 8 meses.
Relacionadas:
-
A reforma do campo de fútbol de Dorrón vai tomando forma
Por Redacción |
-
As obras do campo de fútbol de Dorrón céntranse no peche perimetral e na dotación dos servizos básicos
Por Redacción |
-
O novo campo de fútbol de Dorrón, moeda de cambio para compensar a prórroga do contrato da auga
Por Redacción |
-
Sanxenxo estima que a reforma do campo de fútbol de Dorrón custará 1,2 millóns
Por Redacción |
-
Adeus aos vestiarios, aseos e cantina do vello campo de fútbol de Dorrón
Por Redacción |