Un home, detido tras cometer unha surrealista cadea de delitos no Grove, Noalla, Portonovo e Cambados
Por Diego Espiño
Coma se dunha película se tratase, un veciño do Grove foi detido tras encadear unha surrealista cadea de delitos na comarca do Salnés.
Segundo informa a Garda Civil, foi detido o pasado martes 20 de xuño.
Todo empezou o domingo anterior ao protagonizar un roubo a un taxista do Grove ameazándoo cun obxecto punzante desde o interior do vehículo.
Despois diso, relata o Instituto Armado, subtraeu unha furgoneta que acabou estrellano en Noalla. Alí foi auxiliado por un moteiro ao que, tras darlle un empuxón, roubou o seu ciclomotor para dirixirse a Portonovo, onde lanzou unha tapa de sumidoiro á cristaleira dun bar, accedeu ao interior e levou o diñeiro das caixas rexistradoras.
Por último foi detido en Cambados por axentes da Garda Civil da localidade tras ameazar cunha barra de ferro ao propietario dunha copistería.
O detido, aseguran, é un delincuente habitual con numerosos de antecedentes policiais, que xera gran alarma social entre os veciños da comarca.
Foi posto ao dispor da autoridade xudicial decretándose o seu ingreso en prisión.
Relacionadas:
-
A Policía incauta cocaína e cartos a un trapicheiro e denuncia un home por levar pola rúa unha planta de marihuana
Por Oskar Viéitez |
-
Detido por roubar a pensión a dúas anciás facéndolles vivir en condicións infrahumanas
Por Oskar Viéitez |
-
A Policía Local de Vilagarcía detén un home que intentaba agredir a outro cun cúter
Por Oskar Viéitez |