Aprobadas novas axudas para a rehabilitación de edificios e vivendas en Estribela e o centro histórico
Por Redacción
A Xunta de Goberno Local de Pontevedra aprobou unha nova convocatoria para o ano 2023 de axudas á actuacións de rehabilitación de edificios e vivendas no ámbito das áreas de rehabilitación integral (ARI / ARRU) do núcleo de Estribela e do conxunto histórico da Boa Vila.
Para estes asuntos resérvanse ata 212.316 euros para o centro histórico e 63.648 euros en Estribela, fondos remanentes do Plan Estatal 2013-2016 que foi prorrogado nos últimos anos.
Trátase dunhas axudas que poderán ser solicitadas durante un mes desde a súa publicación no Boletín Oficial da Provincia.
Están destinadas a actuacións consideradas como medianas xa iniciadas e proxectadas, tanto para a rehabilitación de vivendas como de efidicios, pero cuxas obras deberán estar finalizadas antes do mes de decembro.
En total o solicitante poderá beneficiarse de ata 15.000 euros no centro histórico e ata 12.000 euros en Estribela, sendo unhas subvencións restrinxidas a vivendas de uso habitual por parte do propietario, e no caso de que sexan destinadas ao alugueiro este deberá ser convencional, quedando excluídas as vivendas de uso turístico.
Relacionadas:
-
As novas fases das ARI financiarán proxectos por 4 millóns de euros nos próximos tres anos
Por Alejandro Espiño |
-
A construción de vivenda nova e a rehabilitación cae levemente en Pontevedra e a súa área
Por Redacción |
-
As obras de rehabilitación aumentaron na Boa Vila un 34,5% durante o pasado ano
Por Redacción |
-
Ángeles Vázquez anuncia novas axudas da Xunta para a adquisición de vivenda nos cascos históricos
Por Mónica Patxot & Anxo Lourido |
-
Nova convocatoria de axudas para rehabilitar vivendas en Estribela e no casco histórico pontevedrés
Por Redacción |