A Audiencia de Pontevedra condena a dous anos de cárcere un home por abusar dunha menor á que coñeceu por internet
Por Oskar Viéitez
A sección cuarta da Audiencia Provincial de Pontevedra condenou a dous anos de cárcere, como autor dun delito de abuso sexual, a un home que acordou cunha menor, á que coñeceu a través de internet, manter relacións sexuais a cambio de diñeiro.
A Sala destaca que o procesado era coñecedor de que a vítima, no momento dos feitos, era menor de idade desde que finalizou a primeira cita entre ambos.
Ademais, salienta que non tivo intención, desde que contactou con ela, de entregar a cantidade convida.
As maxistradas tamén lle impuxeron o pagamento dunha indemnización de 3.000 euros á vítima polos danos morais causados.
O procesado foi absolto da acusación do delito continuado de abusos sexuais.