Un fin de curso "de conto" no colexio de Ponte Sampaio
Por Redacción
Na recta final do curso escolar 2022-2023, as familias do CEIP de Ponte Sampaio organizaron para o alumnado unha despedida "de conto", en alusión á temática sobre a que xirou este curso escolar neste centro educativo.
A Anpa Virxe do Carme, en colaboración co centro escolar e co Concello de Pontevedra, organizou unha intensa fin de semana na contorna do colexio.
A celebración comezou ás 20:00 horas deste sábado cunha acampada á que asistiron unha decena de familias.
Este domingo, chegou a quenda dunha chega de actividades. Durante toda a mañá, fóronse unindo máis familias ao grupo que xa pasara a noite do recinto e, á hora de comer, eran xa máis 80 as persoas reunidas.
Celebrouse un xantar familiar con máis de 150 persoas e pola tarde houbo unha ampla oferta lúdica para o alumnado. O fin de festa chegou con inchables e festa da escuma para alumnado e familias.
Boa parte do profesorado do centro sumouse á celebración coas súas familias e tamén o director visitou a acampada con croissants e napolitanas de chocolate, para comezar o día con enerxía.