Lores levanta o bastón de mando por sétima vez "coa man tendida" a todos os partidos para abrir "unha nova etapa"
![](/web/cache/scene/uploads/fotos/foto/65c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/648d9737d1-_dsc1808-01.jpeg)
© Cristina Saiz
![](/web/cache/scene/uploads/fotos/foto/65d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/648da431e9-20230607-saiz-teatro-principal-pleno-investidura2011.jpg)
© Cristina Saiz
![](/web/cache/scene/uploads/fotos/foto/fe0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/648da43fdf-20230607-saiz-teatro-principal-pleno-investidura2561.jpg)
© Cristina Saiz
![](/web/cache/scene/uploads/fotos/foto/914/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/648da44327-20230607-saiz-teatro-principal-pleno-investidura2709.jpg)
© Cristina Saiz
![](/web/cache/scene/uploads/fotos/foto/17e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/648da4464d-20230607-saiz-teatro-principal-pleno-investidura2832.jpg)
© Cristina Saiz
![](/web/cache/scene/uploads/fotos/foto/76b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/648da44a91-20230607-saiz-teatro-principal-pleno-investidura2966.jpg)
© Cristina Saiz
Sen sorpresas sobre o guión previsto, Pontevedra volve ter alcalde nacionalista. Miguel Anxo Fernández Lores volveu levantar o bastón de mando este sábado, como o leva facendo por sete mandatos consecutivos desde 1999. Fíxoo ás 12.45 horas deste sábado tras ser elixido rexedor por 14 votos fronte aos 11 que logrou o candidato do PP, Rafa Domínguez.
Para o seu sétimo mandato consecutivo á fronte da cidade do Lérez, o propio Lores asegurou, no seu discurso xa como alcalde, que propón "abrir unha nova etapa, unha nova fase na construción do futuro de Pontevedra".
Propón, pois "mirar cara o futuro cunha mirada limpa, observando ás tendencias que nos poidan conducir ao futuro mellor e reconsiderando as bases sobre as que construír o noso futuro".
Así, "coa man tendida, cos brazos abertos", convidou a todos os grupos políticos, a todos os axentes sociais e a toda Pontevedra "a que abramos unha nova etapa", na que "desde ou respecto polas lexítimas diferenzas e discrepancias, traballemos axuntando esfozos para avanzar nas direccións correctas".
Ademais, asume a mensaxe dos pontevedres, que lle deron menos apoio este 2023 que catro anos antes, e sinala que que nesta nova etapa que abre propón "dar un novo impulso e reformular a dirección na que se camiña para adaptarse aos tempos e corren e avanzar na dirección correcta".
Tras oito anos de coalición co PSOE, nesta ocasión, logrou a investidura sen alcanzar un acordo de goberno. Varias xornadas de negociacións despois, e a pesar de non lograr reeditar o bipartito, o PSOE si facilitou a súa elección e deulle as súas cinco actas para converterse en alcalde. No seu discurso, Lores agradeceulles o seu apoio.
O reelixido alcalde recoñeceu que é consciente de que o apoio para gobernar "é condicional" e "está supeditado á mellora da acción de goberno", de modo que, ademais de agradecer ese respasldo par ser rexedor, asegura que o toma como "unha obriga de facelo mellor" e "unha asignacióin de deberes para mellorar as cousas" en Pontevedra.
Lestes sábado foi a décima vez que toma posesión como concelleiro en Pontevedra, desde a súa primeira incursión na Corporación na oposición en 1987 e a súa sétima vez como alcalde e, con todo, a pesar desas "experiencias abondosas e variadas", asegurou que a deste sábado foi "a que máis emoción e ilusión me xera".
O PP, lista máis votada, con 11 concelleiros, presentou a Rafa Domínguez como candidato, pero Lores foi investido polas súas 9 actas e as 5 do PSOE, dentro do marco de acordos asinados entre o PSOE e o BNG para toda Galicia.
Rafa Domínguez pediu o apoio do PSOE para ser elixido alcalde cun discurso que lembrou as súas propostas políticas e que o PP gañou as eleccións "de forma contundente", o que quere dicir que "es el partido que mejor ha entendido los intereses de Pontevedra".
O PP é, en opinión de Domínguez, o partido "al que recurren los pontevedreses para tratar de buscar soluciones para los problemas de la ciudad" e reprocha a Fernández Lores e ao PSOE de non conseguir un acordo.
Ao líder do PSOE, Iván Pontes, afeoulle que "antepone sus intereses a los intereses de los pontevedreses" e tamén que antepon "sus intereses políticos a los intereses de su programa".
Pleno de Investidura 2023 en Pontevedra
Sen sorpresas sobre o guión previsto, Pontevedra volve ter alcalde nacionalista. Miguel Anxo Fernández Lores volveu levantar o bastón de mando este sábado, como o leva facendo por sete mandatos consecutivos desde 1999. Fíxoo ás 12.45 horas deste sábado tras ser elixido rexedor por 14 votos fronte aos 11 que logrou o candidato do PP, Rafa Domínguez
© Cristina Saiz