Localizan o autor dun acto vandálico nos Praceres e descobren que o buscaba un xulgado
![Natalia](/web/cache/scene/uploads/xornalistas/foto/9b5/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/577f8fbb69-hkm23_ri.jpg)
Por Natalia Puga
A Policía Local de Pontevedra logrou resolver un acto vandálico rexistrado días atrás na zona dos Praceres, na parroquia de Lourizán, e descubriu que o home estaba xa buscado por un xulgado de Vilagarcía de Arousa.
Os feitos que se lle atribúen consisten en danos ao romper o cristal dunha marquesiña dos Praceres.
Tras investigar os feitos, os policías locais citaron o sospeitoso este martes na Xefatura da Policía Local para comunicarlle que está investigado por un delito de danos.
Unha vez en dependencias policiais, cruzando datos, os axentes descubriron que o home tiña en vigor unha requisitoria de detención ditada por un xulgado de Vilagarcía, de modo que procederon á súa detención.
A Policía Local procedeu a trasladar o detido á Comisaría da Policía Nacional, como establecen os protocolos e, cando chegaron ás instalacións da rúa Joaquín Costa, xusto un home acababa de agredir a un axente da Policía Nacional e refuxiárasee nun coche. Eses axentes procederon á súa detención.
Relacionadas:
-
Detido un mozo que feriu un policía dentro da propia Comisaría
Por Natalia Puga | Creada e actualizada