Ata once empresas presentan ofertas para executar a senda peonil entre o Vinquiño e Contumil
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Xunta recibiu 11 ofertas de empresas para executar as obras da senda peonil na contorna do enlace da autovía do Salnés coa PO-504, entre O Vinquiño e Contumil, no concello de Sanxenxo.
Con esta actuación, que suporá un investimento total de 180.000 euros, búscase resolver unha barreira de mobilidade e permitir un itinerario máis seguro e accesible nesa zona.
A previsión é adxudicar as obras no verán co obxectivo de inicialas no outono e rematalas entre finais deste ano ou principios de 2024.
Os actos expropiatorios están xa convocados, fixándose o levantamento de actas previas para o vindeiro día 20 de xuño e a formalización das actas de ocupación o 19 de setembro.
A intervención incluirá a dotación de iluminación pública, canalizacións para as redes de telecomunicacións e distribución de enerxía eléctrica, así como a reposición de servizos e a colocación de xardineiras no treito paralelo á PO-504.