Un chispazo no tendido eléctrico provoca un incendio que deixa sen luz a parte de Poio
Por Redacción
Sen subministración eléctrica quedou parte de San Salvador e de San Xoán de Poio como consecuencia dun incendio que se produciu por mor dun chispazo no tendido eléctrico.
O incendio rexistrouse sobre as tres da tarde de onte no acceso á AP-9 pola PO-309, na zona de Portosanto, segundo informou a Policía Local de Poio.
Foron os propios veciños da zona os que controlaron o incendio que, posteriormente, foi abordado por Protección Civil e o GES de Sanxenxo, que refrescaron toda a zona.
O lume provocou un corte de luz xeneralizado nas zonas afectadas.