Prevista a celebración en Pontevedra do 50 aniversario da Fronte Polisaria o 20 de maio
Por Redacción
A Comunidade Saharauí en Galicia celebra este próximo sábado 20 de maio os 50 anos do nacemento da Fronte Polisaria.
A cita está prevista a partir das 12.00 horas no Edificio Sindical, situado na Rúa Pasantería.
Nestas instalacións ofreceranse exposicións de elementos tradicionais; unha exhibición de danza e tamén degustación de té saharauí e de comida típica, dentro dun programa de actividades.
Con esta iniciativa preténdese achegar á cidadanía pontevedresa as principais características da cultura saharauí e dar a coñecer o conflito do Sahara Occidental.
Os organizadores lembran que o Sahara Occidental foi colonizado por España tras a Conferencia de Berlín no ano 1884.
Despois foi Marrocos quen colonizou esas terras e os saharauís sofren actualmente as consecuencias desa ocupación con violacións de dereitos humanos, guerras e diáspora, segundo indican desde a Comunidade Saharauí en Galicia.
O obxectivo da poboación é lograr a independencia e facer fronte á ocupación marroquí actual. Para logralo naceu a Fronte Polisario, movemento de liberación nacional saharauí.
Pola súa banda, Sogaps: Solidariedade Galega co Pobo Saharaui lembra que mantén a súa campaña para conseguir familias de acollida de menores saharauís de cara a este verán.
Relacionadas:
-
Achegamento á loita saharauí para conmemorar o 50 aniversario do Fronte Polisario
Por Almu Dapena & Cristina Saiz |
-
"Nós cremos na nosa forza, na forza do pobo saharauí", afirma en Bueu o cineasta Lafdal Mohamed Salem
Por Redacción |
-
Yagub e Rugaia pasan en Poio unhas "vacacións en paz"
Por Redacción |
-
As familias galegas volven acoller menores saharauis despois de dous anos de pandemia
Por Redacción |