O BOE publica a xubilación forzosa de Antonio Berengua como maxistrado da Audiencia Provincial
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Boletín Oficial do Estado publica este venres 10 de xaneiro o Real Decreto polo que se declara a xubilación forzosa do maxistrado da Audiencia Provincial de Pontevedra, Antonio Berengua Mosquera.
O Consello Xeral do Poder Xudicial declara a xubilación forzosa por idade do Presidente da Sección Cuarta por cumprir a idade legalmente establecida de 70 anos o día 10 de xaneiro de 2014.
O maxistrado presidiu o pasado día 10 de decembro a súa última vista oral como titular da Sección Cuarta, especializada en asuntos penais e de violencia de xénero.
A súa carreira profesional arrancou hai 37 anos no municipio de Quiroga. Logo pasou por Monforte de Lemos, Torrelavega, Chantada, Barcelona, Madrid, Ourense e finalmente Pontevedra, a súa cidade, onde recalou no ano 1997.