Case 75.000 euros para renovar a cuberta da Igrexa de San Salvador
Por Redacción
A Xunta de Galicia sacou a licitación a renovación da cuberta da igrexa de San Salvador na Lama cun investimento de preto de 75.000 euros, segundo informa a administración autonómica.
Este xoves aparecía publicado o inicio do proceso administrativo na Plataforma de Contratos Públicos de Galicia.
Con esta intervención resolveranse os problemas máis urxentes do edificio provocados polo paso do tempo. A intención da Xunta é que se garanta o actual uso cultural que mantén o inmoble.
O proxecto inclúe a reparación dos danos na cuberta coa retirada da tella e dos materiais que compoñen os depósitos para, a continuación, retirar as placas de fibrocemento en mal estado.
Por último, instalaríanse novas placas, impermeabilizante e láminas asfálticas para, a continuación, establecer a nova tella coa renovación do sistema de evacuación de augas con bajantes de zinc.
A Consellería de Cultura, Educación, FP e Universidades asinou un convenio de colaboración coa Diocese de Tui-Vigo para poñer ao dispor do executivo galego os terreos e inmobles necesarios para realizar estas obras de conservación.