Rescatan un pescador que caeu ao mar desde unha zona de rocas en Beluso
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
Os efectivos de Protección Civil rescataron un pescador que caeu ao mar desde unha zona de rocas en Bueu.
Segundo informou o 112 Galicia, os membros da Agrupación de Voluntarios de Protección Civil alertaron, ás 9:10 horas, de que viran como un home caía ao mar en Beluso, á altura do aparcamento da praia de Lagos.
Enseguida, desde o 112 Galicia solicitouse a colaboración de Urxencias Sanitarias de Galicia-061, de Salvamento Marítimo, do Servizo de Gardacostas de Galicia, dos Bombeiros do Morrazo, da Garda Civil e da Policía Local.
De feito, o persoal do Servizo de Gardacostas de Galicia indicou que estaban a enviar o helicóptero de rescate Pesca I.
Por fortuna, minutos antes das 9:30 horas, o 112 Galicia tivo constancia de que os membros de Protección Civil da localidade rescataran ao pescador, que non necesitaba asistencia médica.