ACD Marcón acada tres premios na Festa dos Maios celebrada na Ferrería
Por Cristina Saiz & Anxo Lourido
O premio ao Maio Tradicional recaía na edición deste 2023 na proposta presentada este luns polo CEP Marcos da Portela, pero a ACD Marcón obtiña tres premios nas categorías de cantigas, interpretación e o Especial Maios.
A estes galardóns súmase o Premio de Interpretación que foi para o CEP Campolongo e o Premio Especial do Xurado, que o levou o Maio da Asociación cultural San Xulián.
Todos os premios contaban cunha dotación de 350 euros, salvo o do xurado que é de 300 e o especial, consistente nunha figura. Cada un dos colectivos participantes recibe 150 euros por formar parte deste evento clásico na xornada do 1 de maio.
Numeroso público acudía á praza da Ferrería a presenciar esta edición, que contou coa participación de cinco grupos. A poeta Miriam Ferradáns foi a encargada de dar a 'Benvida ao maio'.
Durante o tempo en que o xurado decidía os premios o grupo O son da Pedra meiga ofreceu un recital. Tamén no Salón do Libro Infantil e Xuvenil que se celebra no Pazo da Cultura festexaban a chegada do maio coa interpretación dunha cantiga.
Premio ao Maio
1 - CEP Marcos da Portela
2 - ACD Marcón
3 - ACD Campañó
4 - CEP Campolongo
Premio Cantigas
1- ACD Marcón
2- ACD Campañó
3- CEP Marcos da Portela
4 - CEP Campolongo
Premio Interpretación
1 - CEP Campolongo
2 - CEP Marcos da Portela
3 - ACD Campañó
4 - ACD Marcón
Premio Coroa
1 - ACD Marcón
2 - ACD Campañó
3 - CEP Marcos da Portela
4 - Maio San Xulián
Premio especial do Xurado: Maio de San Xulián
Premio Especial Maios: ACD Marcón
Relacionadas:
-
Festa dos Maios a cuberto con reinado de Campañó
Por Natalia Puga & Cristina Saiz | Creada e actualizada
-
A benvida ao mes de maio, coa Festa dos Maios e a poeta Miriam Ferradáns
Por Redacción |