A borrasca continúa na costa pontevedresa con ondas de 9 metros
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A profunda borrasca situada ao noroeste de Irlanda continúa afectando ás costas galegas. Durante a mañá deste luns, Día de Reis, rexístranse ondas no mar superiores aos 8 metros de altura no litoral atlántico.
Segundo os datos que ofrece o Servizo de MeteoGalicia, esta situación borrascosa manterase durante a noite e as primeiras horas da xornada do martes na que se agarda que as ondas poidan alcanzar os 9 metros de altura nas Rías Baixas.
A medida que avance a semana, a borrasca irá debilitándose. As probabilidades de chuvia diminuirán, aínda que continúen producíndose chuvias máis débiles e os ventos de compoñente sur serán algo menos intensos que nas xornadas anteriores. As temperaturas non sufrirán grandes cambios situándose entre os 10 de mínima e os 14 graos de máxima.
Durante a semana a situación irase estabilizando con chuvias ocasionais sen que se produzan profundas borrascas.