Un home de 56 anos, ferido nun atropelo na Barca
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un home de 56 anos resultou ferido na mañá deste domingo nun atropelo rexistrado na avenida da Barca, en Poio.
Segundo a información facilitada pola Policía Local de Poio, o accidente produciuse sobre as 10.50 horas deste domingo na estrada PO-308.
A Policía Local indica que un turismo atropelou esta persoa cando cruzaba polo paso de peóns, causándolle lesións.
Unha ambulancia do 061 trasladou o ferido a un centro sanitario.
A Policía Local de Poio está a investigar a causa do accidente.