O PP reprocha ao goberno de Poio que engana os veciños sobre o cemiterio de San Xoán
Por Redacción
O Partido Popular de Poio acusou este xoves ao goberno local de "enganar" aos veciños en relación co cemiterio municipal de San Xoán.
Esta crítica chegou horas despois de que o Concello de Poio anunciara o inicio das obras para urbanizar a parcela onde se ampliará o cemiterio.
O voceiro do PP, Ángel Moldes, asegura que moitos veciños fixeron unha solicitude hai moitos anos para a compra dun nicho e pensan que con ela teñen garantida a compra dun nicho, pero non lles explican que "esa reserva non é válida" e que terán que iniciar un novo proceso, cunha convocatoria aberta na que calquera veciño, con independencia de onde viva, terá dereito a comprar un nicho.
"BNG e PSOE están enganando a moitos veciños, e en vez de contarlles a verdade xogan coa desesperación de moita xente que leva anos agardando para poder comprar un panteón", denuncia o alcaldable do PP.
Moldes solicita ao Tripartito de Poio "claridade e transparencia" e "que lle digan a verdade aos veciños" e "non fagan o mesmo que fixeron no seu día co novo regulamento do cemiterio que pretendía converter as propiedades en concesións".
Ademais, Moldes critica á concelleira Marga Caldas, á que explica que as visitas a obras "están prohibidas pola lei electoral unha vez que están convocadas as eleccións".
Relacionadas:
-
Moldes anuncia que haberá unha "convocatoria legal" para adxudicar os nichos no cemiterio de San Xoán
Por Oskar Viéitez |
-
O PP de Poio comprométese a dotar de saneamento a Vilariño e ampliar o parque infantil
Por Redacción |
-
Inicio das obras para urbanizar a parcela onde se ampliará o cemiterio municipal
Por Redacción |