A sede da nova asociación pontevedresa de videoxogos, Gaming Troop, acollerá este vindeiro sábado 8 de abril un evento competitivo que xirará ao redor do título de Nintendo Super Smash Bros. Ultimate.

A xornada de competición, organizada coa colaboración do Concello de Pontevedra, empezará a partir das 12.00 horas do mediodía.

Cun pot bonus de 300 euros e un número de xogadores altamente capacitados que supera os 50 participantes, este evento reunirá os mellores xogadores da saga de Nintendo nunha emocionante competición polo primeiro posto

O torneo permitirá que os asistentes vexan de primeira man a habilidade e destreza dos expertos xogadores no popular xogo de loita, o máis popular do mundo e o máis coñecido da consola Nintendo Switch.

Ademais do torneo de Smash, tamén se poderá gozar do videoxogo de realidade virtual Beat Saber no que se poderá competir por ser o mellor xogador rítmico.