O PSdeG-PSOE reclama á Xunta a reparación urxente da ponte medieval de Ponte Sampaio
Por Redacción
A situación da ponte medieval de Ponte Sampaio chegará ao Parlamento de Galicia, o grupo do PSdeG-PSOE vén de presentar dúas iniciativas para que inste á Xunta de Galicia á reparación "co fin de solucionar a grave situación de abandono e deterioración dunha das obras civís máis importantes da nosa historia e peza indiscutible do noso patrimonio cultural".
Os socialistas rexistraron unha Proposición non de lei para que se debata en comisión, ademais dunha pregunta para a súa resposta oral. Con esta iniciativa pretenden saber que medidas ten previsto adoptar a Xunta de Galicia para protexer a ponte e evitar unha maior deterioración do que xa padece na actualidade.
A ponte medieval que une as dúas beiras do río Verdugo entre os concellos de Pontevedra e Soutomaior é un enlace tradicional entre as terras de Compostela e Pontevedra e, cunha lonxitude de máis de 144 metros e dez ollos apuntados e semicirculares. Ademais converteuse nun referente cultural xa que as forzas da División do Miño, dirixidas por Morillo, se apostaron na ponte para enfrontarse ao exército francés e evitar a reconquista de Pontevedra, Marín e Tui.
Segundo denuncia o PSdeG-PSOE a estrutura encóntrase nun estado de deterioración. Nas pedras obsérvase vexetación, hai pezas desencaixadas e o pavimento está levantado nalgúns tramos como consecuencia do tráfico diario.
Relacionadas:
-
O BNG insta á Xunta a elaborar un proxecto de conservación da ponte de Ponte Sampaio
Por Redacción |
-
O PSdeG-PSOE pide a restauración integral da ponte de Ponte Sampaio
Por Redacción |
-
O PP esixe celeridade ao Concello para o arranxo da ponte medieval de Ponte Sampaio
Por Redacción |
-
Comezan os trámites para reparar a ponte medieval de Ponte Sampaio, danada por un accidente
Por Redacción |
-
Un accidente derruba parte da ponte medieval de Ponte Sampaio, que haberá que restaurar
Por Natalia Puga |