Outra borrasca profunda afectará ás Rías Baixas durante esta fin de semana
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A fin de semana previo á festividade de Reis vén marcado pola entrada dunha borrasca profunda que se achega a Galicia coa presenza de ventos moi intensos e ondas do mar que superarán os 6 metros de altura, segundo informa o servizo metereología MeteoGalicia.
Segundo estas previsións, as chuvias iniciaranse ao longo da tarde deste venres 3 debido ás borrascas que comezan a moverse polo norte da Península e se agarda que comecen a xerar ondas de mar de fondo. As temperaturas durante a xornada de hoxe oscilarán entre os 13 e os 14 graos, mentres que mañá as mínimas descenderán ata os 8 graos.
A próxima semana comezará baixo a influencia das borrascas atlánticas. Desta forma, tanto o día 6 coma o 7 virá marcada polas chuvias con ventos de sueste e as temperaturas serán suaves para esta época do ano. Segundo MeteoGalicia, a partir do mércores comezará unha melloría do tempo con menor probabilidade de chuvia e tamén con ventos que non soprarán con tanta forza.