![](/web/cache/scene/uploads/fotos/foto/ca6/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/64121a2908-whatsapp-image-2023-03-15-at-16.54.46.jpeg)
© Concello de Pontevedra
'Pontevedra Flúe' aterra en Turín para propagar o seu modelo na Comisión Europea
![](/web/cache/scene/uploads/fotos/foto/adf/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64121a6122-whatsapp-image-2023-03-15-at-16.54.43.jpeg)
© Concello de Pontevedra
![](/web/cache/scene/uploads/fotos/foto/8bd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/641219c8ee-whatsapp-image-2023-03-15-at-16.54.44.jpeg)
© Concello de Pontevedra
Pontevedra foi a única cidade española seleccionada para formar parte dunha alianza comunitaria estratéxica deseñada pola Comisión Europea. O concelleiro de Desenvolvemento Sostible, Iván Puentes, trasladouse a Turín para compartir o modelo de Pontevedra Flúe (Pontevedra Flow) e incidir no seu papel como "unha estratexia non só local, senón tamén europea".
Iván Puentes afirmaba que Pontevedra Flúe é unha estratexia pensada, redactada e orzada, con 20 proxectos para poder desenvolver nos vindeiros anos. Ademais, o concelleiro sinalaba que todas as administracións, desde o Concello de Pontevedra ata o Goberno de España, están a traballar xuntas para facer realidade eses proxectos.
Doutra banda, Puentes participou no encontro do Partnership Greening Cities, no que aproveitou a ocasión para expoñer o liderado de Pontevedra no proxecto Green Gap, que pretende impulsar diversas accións de desenvolvemento e restauración do medio natural nas zonas urbanas e rurais de Galicia e o norte de Portugal, apuntan desde o PSOE local.
Ademáis, o socialista tamén puxo en valor a adxudicación dunha axuda procedente dos fondos europeos Next Generation para un paquete de proxectos presentado pola concellería de Desenvolvemento Sostible. Entre eses proxectos, o edil destacaba o de destapar o paso do río Gafos por Campolongo para convertelo nun parque fluvial.
Outras das accións recollidas son a mellora paisaxística e ecolóxica da contorna do parque de Rosalía de Castro e a Avenida de Compostela, ou a restauración ecolóxica da marisma da Xunqueira de Alba.
Este xoves 16 de marzo, Puentes asistirá á primeira xornada do Cities Forum 2023 celebrado en Torino. Alí, o concelleiro estará en diversas mesas como a denominada "Greening cities na UE: enfoques estratéxicos para abordar o clima e os retos ambientais".
Relacionadas:
-
200 estudantes limparán a contorna do Gafos e plantarán carballos con motivo do Día da Auga
Por Redacción |
-
Pontevedra destaca na 5ª edición do Cities Forum 2023
Por Alba Feijoo Alonso |
-
O Concello convoca á veciñanza de Fernando Olmedo para explicar o proxecto que acabará coas inundacións
Por Redacción |
-
Pontevedra lidera a candidatura dun proxecto paisaxístico nas zonas urbanas e rurais de Galicia e o Norte de Portugal
Por Redacción |
-
Conta atrás para destapar o río Gafos entre Xeneral Rubín e Rosalía de Castro
Por Alejandro Espiño |
-
Luz verde á sinatura do maior contrato de Parques e Xardíns da historia de Pontevedra
Por Oskar Viéitez |