![](/web/cache/scene/uploads/fotos/foto/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/52bdacae3cbab-img_9344.jpg)
CC BY-NC-SA PontevedraViva
Alba recupera as pontellas de San Caetano e o Castrado
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/52bdac37c942e-img_9337.jpg)
CC BY-NC-SA PontevedraViva
A Concellería de Patrimonio Histórico acaba de concluír a recuperación de dúas pontellas do río Gándara, na parroquia pontevedresa de Alba. A maleza cegara estes dous pasos veciñais que forman parte do trazado orixinal do Camiño Portugués.
Trátase das pontes de San Caetano e do Castrado, que o venres foron visitados polo alcalde, Miguel Anxo Fernández Lores, e os concelleiros Miguel Filgueira e Pilar Comesaña.
Este tipo de pontes rústicas estaban realizados na súa maioría polos veciños da zona para poder atallar diferentes escollos e poder acceder a zonas concretas da parroquia.
A proliferación de maleza dificultaba que a lámina de auga discorrese con normalidade. En verán este problema provoca que se empece a estancar material e a podrecer a vexetación, o que xera olores e mosquitos. Pero os maiores problemas xorden no inverno xa que, ao aumentar o caudal, se xeran pequenas presas que ameazan a estabilidade do propio pontón.