Inxección de 75.000 euros do Plan Concellos para a Festa Corsaria de Marín
Por Natalia Puga
A Festa Corsaria que se celebra en Marín cada verán recibirá este ano unha achega de 75.000 euros por parte da Deputación de Pontevedra con cargo á liña de pago de gastos correntes e financiamento de actividades socioculturais do Plan Concellos.
A axuda aprobouse este venres na Xunta de Goberno da Deputación de Pontevedra, na que se aprobaron un total de 1,6 millóns de euros en recursos para dez municipios da provincia.
Estas novas achegas benefician aos municipios de Baiona, Cangas, A Estrada, A Illa, Marín, Pontecesures, O Porriño, Redondela, Silleda e Vilanova de Arousa.
Unha das achegas máis importantes chegar a Vilanova de Arousa, un total de 387.315 euros que se destinarán ao reforzo de firme de viarios municipais.
Sobre este concello, gobernado polo PP de Gonzalo Durán, a presidenta da Deputación, Carmela Silva, lamentou que é "o único concello que nunca recoñece que as grandes transformacións que se están a facer son con fondos da Deputación".
Tamén A Illa de Arousa recibirá unha achega de 131.657 euros para financiar o gasto corrente da prestación de servizos municipais.
Relacionadas:
-
Marín quenta motores para unha Festa Corsaria "moi intensa e pensada para todo o mundo"
Por Redacción |
-
Establecen requisitos para a hostalería con terraza na zona da Festa Corsaria
Por Redacción |
-
O 26 de xullo abre o prazo para solicitar mesas para a Festa Corsaria
Por |
-
Melloran a accesibilidade dunha zona da Avenida de Ourense
Por Redacción |