Rescatan dous bateeiros que caeron ao mar en Paxariñas tras dar volta a súa embarcación
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/f22/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63f1f608b6-rescate-bateeiro.jpg)
© Concello de Sanxenxo
![](/web/cache/scene/uploads/fotos/foto/4ba/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63f1f612da-rescate-bateeiro-2.jpg)
© Concello de Sanxenxo
Dous bateeiros da Illa de Arousa tiveron que ser auxiliados polos servizos de emerxencia despois de que a embarcación na que navegaban dera a volta en Paxariñas (Sanxenxo).
Un dos tripulantes do barco puido chegar a nado ata a costa, pero o outro tivo que ser rescatado dun dos illotes de pedra que existen na zona.
Ata alí desprazouse unha embarcación do servizo de Emerxencias de Sanxenxo, que non tivo un rescate fácil debido á cantidade de pedras que hai nese punto da costa.
Os dous bateeiros, que se atopaban en Sanxenxo para buscar mexilla, atópanse ben de saúde e non necesitaron asistencia médica.
Neste rescate, colaboraron ademais axentes da unidade marítima da Garda Civil e efectivos da Policía Local de Sanxenxo.
Os traballos na zona céntranse agora na retirada da embarcación envorcada.