Identificados oito mozos como autores da queima de colectores en Juan Bautista Andrade e Médico Ballina
Por Anxo Lourido
O Concello de Pontevedra quere mostrar o seu rexeitamento aos actos vandálicos e xa se trasladou ao Xulgado do Penal a denuncia do incendio de contedores nas rúas Juan Bautista Andrade e Médico Ballina.
Ao longo das últimas semanas, a Policía Local investigaba estes feitos que se rexistraban ás 06.30 horas do domingo 29 de xaneiro cando un particular denunciaba os danos ocasionados a nove contedores; á fachada dunha vivenda como consecuencia das chamas derivadas do incendio nos contedores; e a uns cubos dunha exposición municipal que foron derrubados.
Segundo informaba Anabel Gulías, portavoz do goberno local, os danos causados soamente nos contedores ascenden a 13.794 euros, aos que habería que sumar os custos dos bombeiros e os danos xerados na vivenda.
No transcurso da investigación realizada por axentes da Policía Local, e a través das cámaras situadas na zona, localizáronse oito persoas que foron identificadas na Rúa do Cordón, todas elas maiores de idade, con idades comprendidas entre 18 e 20 anos, veciñas de Pontevedra e da contorna.
O Concello de Pontevedra estuda a posibilidade de comparecer na causa emprendida contra os presuntos autores destes actos vandálicos.
Relacionadas:
-
Identificados varios autores de ataques vandálicos á exposición Pontevedra Flúe
Por Redacción |
-
Sete novos axentes incorpóranse ao corpo da Policía Local de Pontevedra
Por Redacción |
-
Detido un incendiario que plantou lume en numerosos contedores de Marín
Por Redacción |
-
VÍDEO.- Solicitan colaboración cidadá para atopar os autores da queima de varios contedores en Cuntis
Por Redacción |
-
Condenan un menor a pagar 7.300 euros por queimar contedores en Pontevedra
Por Alejandro Espiño |