As obras de reforma integral entre Saíñas, A Puntada e Portosanto completan a súa primeira fase
Por Redacción
A falta de pequenos detalles, entre eles a instalación de novas luminarias, as obras de reforma integral do núcleo de Saíñas, en San Salvador de Poio, xa están rematadas.
As boas condicións meteorolóxicas das últimas semanas permitiron que os traballos avanzasen de xeito notable, segundo explicou o concelleiro de Urbanismo, Gregorio Agís, para o que este cambio experimentado no lugar "é máis que evidente".
Os últimos traballos realizados pola empresa COVSA consistiron na instalación dos servizos básicos e a nova superficie, moito máis respectuosa coa contorna e que tamén serve para darlle un maior protagonismo ao tránsito peonil.
Esta obra, que agora continuará nos núcleos da Puntada e Portosanto, ten un orzamento que roza o millón de euros, financiados a través de fondos da Deputación de Pontevedra.
"É unha das máis ambiciosas do mandato actual", destacou o edil socialista, que confía en que, se non se producen contratempos, estará lista en poucos meses.
Desde o Concello subliñan que esta actuación axudará a dinamizar un núcleo de referencia na parroquia de San Salvador, onde hai importantes puntos de encontro para a veciñanza, como a escola infantil de Saíñas, as áreas de lecer ou a Casa Museo de Colón.
Relacionadas:
-
Carmela Silva destaca a "transformación total" que están a supoñer os investimentos da Deputación no concello de Poio
Por |
-
O Concello de Poio programa novas obras en Viñas, As Laxes, Tarrío e Arén
Por Redacción |
-
Inicio inminente do proceso de renovación de 2.500 luminarias en Poio
Por Redacción |
-
Cortes de tráfico con motivo das obras de reforma en Saíñas
Por Redacción |
-
Comezan as obras de rehabilitación de Portosanto, Saíñas e A Puntada
Por Redacción |
-
O Concello de Poio agarda iniciar en dos meses as obras en Portosanto
Por Redacción |