Traxes espaciais para distribuir información do inicio de Noites Abertas
![](/web/cache/scene/uploads/fotos/foto/a4e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63ce76ff7d-20230121-patxot-noites-abertas-reparto-informacion-8151.jpg)
© Mónica Patxot
![](/web/cache/scene/uploads/fotos/foto/c6e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63ce76aa08-20230121-patxot-noites-abertas-reparto-informacion-8152.jpg)
© Mónica Patxot
Esgrima e loita escénica con sabres de luz; encontros random; pandeireta; bádminton e tenis de mesa libre; risoterapia; talleres de coiro; práctica de sumie ou técnica de debuxo xaponesa ancestral son algunhas das propostas que, a partir deste venres 27 de xaneiro, se poñen en marcha en distintos puntos do municipio dentro da 24 edición de Noites Abertas.
Este luns, Alberto Oubiña, concelleiro de Xuventude, e dúas persoas con traxes espaciais de astronautas distribuían no IES Valle Inclán información sobre estas actividades, que se expoñen como alternativas para a mocidade pontevedresa, que teña entre 12 e 30 anos.
Ao longo de 16 xornadas, ata o 1 de abril, desenvolveranse estas sesións que son realizadas por empresas locais e asociacións da cidade, clubs deportivos e particulares que ofrecen propostas para a aprendizaxe e diversión da poboación xuvenil.
Toda a programación pode consultarse na páxina web de Noites Abertas.