Animación e seres máxicos na cabalgata de Reis de Marín
Por Redacción
Cabalos brancos xigantes, un tren, seres de grandes dimensións e formacións musicais animaron as rúas de Marín durante a tarde deste xoves na Cabalgata de Reis.
A comitiva comezaba o percorrido ás 18.45 horas na avenida de Ourense para avanzar pola vila ata chegar ao Templo Novo, alí atopábase instalado o Belén Vivinte, organizado pola asociación Os da Caña e o Concello de Marín.
A festa acompañou ao séquito seguido por numeroso público infantil, á espera da ansiada noite máxica coas súas maxestades de Oriente.