Reactívanse as obras do boulevard de Portonovo coa intención de finalizar en xuño
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/8f4/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63b7327958-obras-boulevard-portonovo-2.jpg)
© Concello de Sanxenxo
![](/web/cache/scene/uploads/fotos/foto/989/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63b732e5a4-mapa-trafico.jpeg)
© Concello de Sanxenxo
![](/web/cache/scene/uploads/fotos/foto/33d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63b732bf99-obras-boulevard-de-portonovo-3.jpg)
© Concello de Sanxenxo
Este luns 9 volven activarse as obras do boulevard de Portonovo, despois do parón motivado polas festas do Nadal.
A empresa adxudicataria comezará coa parte central da primeira fase do proxecto, que supón máis da metade da actuación, segundo o Concello de Sanxenxo. Esta fase sitúase entre o inicio da estrada da Lanzada, na rotonda do Supercor, ata o cruzamento coa Travesía Areal.
A previsión é que en xuño se finalice este tramo da obra. Despois do verán retomaranse os traballos para evitar que a actuación inflúa na actividade turística e comercial durante os meses de máis afluencia de visitantes.
Establécese, a partir deste luns, un carril central de sentido único para acceder a garaxes e servizos no tramo en que se executan os traballos. Os viandantes dispoñerán dun paso delimitado e o tráfico rodado normal será desviado pola Avenida Rafael Picou, Rúa Espiñeiro e Travesía Areal para volver confluír na estrada da Lanzada.
As obras contemplan a renovación dos servizos coa instalación de canalizacións subterráneas para o cableado de telefonía e para a electricidade eliminando os actuais tendidos aéreos. Tamén se renovarán as redes de abastecemento, saneamento, pluviais e iluminación pública.
Oresa Construción e Servizos Globais é a adxudicataria da obra por un montante de 2.319.460 euros. A proposta busca que os peóns gañen espazo fronte aos vehículos ao longo dun tramo de 810 metros no centro comercial de Portonovo, segundo indica o goberno local.
Relacionadas:
-
Avanzan as obras do boulevard de Portonovo coa instalación de servizos
Por Redacción |
-
As obras do boulevard de Portonovo estarán finalizadas antes de Semana Santa
Por Redacción |
-
Dous semáforos regularán o tráfico no treito en obras do futuro bulevar de Portonovo
Por Redacción |
-
O boulevard de Portonovo empeza a facerse realidade a partir do luns
Por Redacción |
-
Sanxenxo quere comezar as obras do bulevar de Portonovo antes de final de ano
Por Redacción |
-
A reforma prevista na PO-308 ao seu paso por Portonovo "converterá a esta estrada nunha rúa"
Por Oskar Viéitez |