Continúa aberto o prazo para presentar candidaturas aos Cidade de Pontevedra até o próximo 5 de xaneiro
Por Redacción
O Concello de Pontevedra mantén aberto o prazo de presentación de candidaturas aos premios Cidade de Pontevedra.
As persoas, asociacións, entidades ou colectivos interesados poderán presentar as súas propostas no Rexistro do Concello até o 5 de xaneiro de 2023. As propostas deberán levar unha memoria xustificativa que explique os méritos do designado para optar aos nomeados galardóns.
Os Cidade de Pontevedra teñen dúas modalidades, persoa física e persoa xurídica. O xurado valorará o labor desenvolvido polos candidatos, sobre todo, ao longo do último ano e a proxección de Pontevedra e dos seus habitantes derivada deste traballo.
Os galardóns serán entregados nun pleno extraordinario de honra que se desenvolverá o 20 de xaneiro, día de San Sebastián patrón da Boa Vila.